1465. Alle soo that year be-ganne a gre cyssym [schism] by twyne fryers and prystys, but the Fryer Charmys, that is to saye the Whyte Freers, be-ganne it fryste at Poules Crosse. He that be-ganne this matyr was borne in Flete Strete, a skyner is sone, and his name is Syr Harry Parker ; he blamyd men for there grete copy of her goodys, and in specyalle he blamy[d] benefysyd men that had grete benyficys and prestys that had temporalle lyffelod. For he sayd and affermyd that non of the xij [12] Apostolys nor Cryste hadde no thyng in propyr but alle in comyn, and sayd and affyrmyd by his connyng, as strong as he cowthe, that Cryste was a begger and had nought but by way of almys. And that made men to groge and to muse passyng soore.

1465. But the Wanysday the docter, Mayster Halden, kept the scholys with in the Fryers and dysputyd a gayne a Gray Fryer as he promysyd; and at that scholys were many grete docters and clerkys to geve him audyens. And they thought he yode soo farre that Mayster Alcocke (age 35),^c a docter of lawe and commyssary unto the Dene of Synt Martyns in the Graunte, assytyd the fryer that he shulde appere by fore the Arche Byschoppe of Cauntylbury at Lambeffe. And the fryer said he wold not obbey his cytacyon, for alle fryers ben exempte for alle the byschoppe is power, but hit were for eresy ; and the docter of lawe sy tyd him for eresy.

Note c. John Alcock (age 35), afterwards Bishop of Ely.

Apr 1465. Thenne at the begynnyng of the terme aftyr Estyr the fryer apperyd by fore Mayster Docter Wynterborne, my lordys offycer and juge in suche causys and othyr as for spyrytualte. And þer were many worthy docters a gayne the fryer, but he lenyd evyr unto his prevelege, but he schewyd non but a bylle unselyd. Thenne the mater was put to my Lord of London (age 33), by so moche that alle this trobylle was done in his dyossy, and the Chaunceler of Inglond, that was my Lord of Warwyeke (age 36) is brother, a toke party a-gayne the fryers; and the day folowynge the provyncyalle and Docter Haldon come to Poulys by fore my lord of London and brought her prevelegys with hem, but þ^e prevelege wolde not serve that tyme for noo cause of eresy. And my lord lawfully a-sytyd them to appere by fore him that same aftyr non, but they come not, for the provyncyalle toke his way a-non towarde Rome. And Docter Haldon toke noo leve of the byschoppe. And then my Lord Chaunceler hyrde that they were gone, and send for the yong fryer Harry Parker and commaundyd him to preson. And he was take from preson and sende unto my lord of London. And the Son day aftyr the same fryer, Harry Parker, objuryd that he sayd, and said as we saye, that Cryste is lord of ovyr alle thynge, and he confessyd alle so that very nede causyd them to saye that Cryste beggyd, by cause that men shulde take the ordyr of fryers moste parfytyste of alle orders.

Apr 1465. But one fryer couthe not be ware by a nother, for with a whyle in the vacacyon tyme a Blake Fryer prechyd alle moste the same. And he was exampnyd by fore my Lord of London (age 33), and was made to preche agayne and revokyd. Thenne my Lord of London (age 33) cursyd thes ij [2] docters, Mayster John Mylverton and Docter Thomas Halden, at Poulys Crosse for there contymacy, and it happyd that Docter Ive dyde the execucyon of the curse, and þat grevyd the fryers soore, and said that he was sette alle in malys; but this Docter Ive might not chese.

Ande be fore thys^b tyme the fore said Docter Ive kept the scolys at Poulys^c þat is undyr the chapter house, and there he radde many full nobylle lessonnys to preve that Cryste was lord of alle and noo begger, and he dyde it aftyr the forme of scholys, for he hadde his abyte and his pelyon, and a vyrger with a sylvyr rodde waytynge uppon hym. And the same fryer of Menors that answeryd the Whyte Fryer answeryd him onys, and many tymys he dyspute and radde in that scholys ; he kept it more then ij year. Thenn the fryers straynyd curtesy whoo sholde answery hym. And ssum fryers desyryd to answerye hym, but at the day of her desyre they apperyd not. And then men layde grete wagers the Provyncyalle wolde come home and doo many thyngys, and causyd that a fryer of Rome made a tretysse of the beggyng of Cryste, that welle was him that might have a copy of it, and they were to sylle at many placys in Eome, and some were sende home to the Whyte Freers, but yet hit happyd that they come to this Docter Ive, that he undyr stode the consayte welle i-nowe and said full lytylle or nought.

Note b. thys repeated in MS.

Note c. The Cathedral School or' St. Paul's, not the present St. Paul's School, which was founded at a later date by Dean Colet and dedicated to the Child Jesus.

1465. Thenn the Pope^a havyng woundyr of the complaynt of this fryer, and inqueryde of suche men as come late out of Inglonde of the mater; and whenne he undyrstode the mater, he wrote downe to the Arche Byschoppe of Cauntyrbury and to the Byschoppe of London, and thonkyd them that they were so trewe to Cryste and Hooly Chyrche, and desyryd to have alle the hoole mater and proscesse i-sende unto him by wrytynge. And so it was, every thyng as ny as they couthe ymageny, puttyng alle favyr and par- cyallyte and malysce a syde.

Note a. Pope. Altered into "busshope " in a later hand, both here and in several instances after.

1465. But the very trewe processe this nobylle Docter Ive wrote unto the Pope^a the maner, sayyng, and prechyng in hyr^b sermonys, bothe his doyng and sayyng, as welle as the fryers, and the actys of bothe scholys. And ix docters of devynyte and bachelers of devynyte subscrybyd her namys with her owne hondys, and testefyde that alle was trewe that this said Docter Ive hadde wretyn, for it was exampnyd and radde by fore alle þe byschoppys that tyme beyng at London, and by the same docters and clerkys that subscrybyd. And that large and grete letter was sende with the byschoppys letters. And yf that Docter Ivys letter hadde ben i-selyd with some lordys sele spyrytualle, or an notarys syne there on, the freer had ben brende in shorte tyme ; hit hadde non othyr sele but his owne sygnett.

Note a. Pope. Altered into "busshope " in a later hand, both here and in several instances after.

Note b. hyr repeated in MS.

1465. Ande the King toke a grete party on this mater, for thes fryers hadde causyd moche trobylle a monge his pepylle, and therefore he desyryd that holy fadyr the Pope a to chastysse suche trespasserrys and brekers of the pesse, and send forthe a letter with the othyr letters.

Thenne the Pope ressayvyd thes letters, and undyrstode alle the hoole processe, and made his cardynallys to exampne the fryer, and by his answerynge they found ix moo poyntys that he erryd on, and son aftyr he was put into the castylle of Angylle in strong preson, and laye there yn alle moste iij year. And evyr his frendys and the fryers lokyd aftyr his comyng home, but he may not, for he hathe bund him sylfe unto the Pope a by an yryn oblyacyn faste i-selyd a-boute his ij helys. And þen he lackyd mony and frende schyppe, submyttyd him to the Pope; a but whenn he shalle cum horn I wotte not, but for sothe his artyculys ben dampnyd, whether he be or nought I wot ner ; I truste ye shalle knowe aftyr in tyme comyng by Goddys grace, hoo have us alle in his blessyd kepyng. Amen for cheryte.

1465 Mayor of London: Raffe Vernay (age 55). Sheriffs: Costantyne, Syr Harry Wafer.

That year the mayr had a pesabylle year and a plentefulle of alle Goddys goode. And he festyd the kyng, the quene, and the quene is modyr, the lady of Bedford, and many othyr lordys. And whenn they had done and dynyd the offesers [had]^b to there reward the clothe of state that was ovyr the tabylle, honggyng ovyr hit. And the substance of napery was gyffe with dy vers men of offyce.

Note b. Omitted in MS.

Alle so that year Kyng Harry that was come in to Lonkesschyre out of Schotlond; tylle he com in to Forneysse Fellys he was nevyr i-knowe, but there he was knowe and take, and a pon Syn Jamys eve he was brought to the Towre of London, and iij [3] moo Edw. IV - with hym; ij [2] were his chapelaynys, Mayster Docter Bydon, Docter of Devynyte, and Mayster Thomas Mannynge, Bacheler of Lawe, and some tyme Dene of Wyndesore and secretary unto the Quene. But he was son delyveryd out of preson by cause þat he was agyd and infecte with a whyte lepyr. But Docter Bydon was in preson long tyme, and his frendys labor yd for him soore and payde moche mony for his delyverans. But he couthe not kepe his tounge, but in schorte tyme he was put yn a gayne, and was there more thenne a quarter of a year, and þen uppon his othe he was delyveryd and is out of donger, &c.

1466. Mayor of London: John Yonge, menne callyd him the good Mayre. Sheriffs: John Brommer, Harry Bryce.

That year the mayre beryd [his]^a lady, and his scheryffe and his swyrdeberer. And then Stocketon þe mercer was chose for Harry Bryce, the scheryffe that was, and he was made scheryffe fro that tyme tylle Mychellemasse, and no lenger.

Alle soo this same year there was an herryke i-brende at the Towre Hylle, for he dyspysyd the sacrament of the auter; his name was Wylliam Balowe, and he dwellyd at Walden. And he and his wife were abjurydlonge tyme be-fore. And my lord of London kept him in preson long tyme, and he wolde not make noo confessyon unto noo pryste, but oonly unto God, and said that no pryste had noo more pouer to hyre confessyon then Jacke Hare. And he had no consyence to ete flesche aftyr Estyr, as welle as thoo that were bothe schryffe and houselyd.