Chronicle of Gregory 1436. 22 Jul 1436. Ande the xxvj day of Juylle the Duke of Glouceter (age 45) whythe alle the substaunce of the lordys of Ingelonde schyppyde at Sondewyche [Map] with xl. M [40000] men of alle the contreys of Ingelonde, for every towne, cytte, or borowe fonde certayne men whythe dyvers lyvereys of the bagys of the towne, and soo dyd abbeys and pryorys in the same wyse of alle Ingelonde. And the same day they londyd at Calys, and there they hylde hyr consaile the Fryday, Satyrday, and Sonday. And on the Monday he toke hys jornaye in-to Flaunders warde; ande he rode throughe Pycardye and dyd moche harme yn the contre of Flaunders, for he brent Poperyng and Belle, ij [2] goode townys, and many moo othyr vylagys in Flaunders and in Pycardye; and soo he come home a-yenne to Calys whythe owte any lettynge of any person, thonkyd be God.