30 Jan 1442. Ande the xxx day of Janyver was certayne poyntys of armys done in Smethefylde [Map] by twyne a knyght of Catelan and a Engelysche squyer, i-callyde Syr John Ascheley; of the whiche tyme the son of the said knyght, in presens of alle the pepylle there, was made knyght opynly by the kyngys (age 20) owne hondys. And the said John Ayschelay also was made knyght att the same tyme.

25 May 1442. Ande the xxv day of May my Lord Talbot (age 59) toke his way towarde the see, for to passe yn to Fraunce whythe his retenowe.

After 07 Jun 1442. Ande in that same year deyde John Wellys, the nobylle Aldyrman, and some tyme Mayre of London.

1442. Ande in that same year there was a pynner hyngge him sylfe on a Palme Sondaye. And he was alle nakyd save his breche; and then he was caryd in a carte out of the cytte.