Chronicle of Gregory 1459. 23 Sep 1459. Ande this year was done a grete jornaye at the Blowre Hethe by the Erle of Saulysbury (age 59) ande the Quenys galentys. And that day the King made vij knyghtys, first, Syr Robert Molyners, Syr John Daune, Syr Thomas Uttyng, Syr John Brembly, Syr Jon Stanley, Syr John Grysly, and Syr Rychard Hardon; and v of thes knyghtys were slayne full manly in the fylde, and many men of yemonry soore hurte, and a full nobylle knyght, the Lord Audeley (age 61), and Syr Thomas Hamdon, knyght, was the getynge of the fylde, and Thomas Squyer and Counteroller of the Pryncys house full sore hurte. And [the] batayle or jornay lastyd alle the aftyr none, fro one of the clocke tylle v aftyr non, and the chasse lastyd unto vij at the belle in the mornynge. And men were maymyd many one in the Quenys party. There were in the Quenys party vM [Note. 5000], and in that othyr party vC [Note. 500], a grete wondyr that evyr they might stonde the grete multytude not ferynge, the King beyng with yn x myle and the quene (age 29) with yn v myle at the castelle of Egyllyssale [Map]. But the Erle of Saulysbury hadde ben i-take, save only a Fryer Austyn schot gonnys [Note. shot guns] alle that nyght in a parke that was at the backe syde of the fylde, and by this mene the erle come to Duke of Yorke (age 48). And in the morowe they founde nothyr man ne ehylde in that parke but the fryer, and he said that for fere he a-bode in that parke alle that nyght. But in the mornyng, by-twyne the fylde and Chester, Syr John Dawne is son that was at home in his fadyrs place hadde worde that his fadyr was slayne; a-non he raysyd his tenantys and toke by-syde a lytyl towne i-namyd Torperlay [Map] Syr Thomas Nevyle (age 29), Syr John Nevyle (age 28), and Syr Thomas Haryngdon (age 59), and brought them unto the castelle of Chester, ande there they a-boode tylle the batayle of Northehampton was done, &c.